| |
Biktasat ja gárvvut
- Árbevirolaš sámebiktasiid ja earenoamážit gávtti ja dasa gullevaš gárvvuid fárddas sáhttá lohkat olbmo dahje su soga ruovttuguovllu. Dasa lassin juohke sogas ja ovttaskas goarrus leat iežaset árbevierut, mat laktásit gárvodeapmái
- Sámegárvvut, olbmáin ja nissoniin gávttit ja vuolpput, nuortasápmelaččain čuvllat ja geavllat
- Gápmagat, nuvttohat, goikkehat, gállohat ja čázehat
- Gahpirat, leat earáláganat sohkabeliid ja guovlluid gaskkas, nuortalaččain maiddái siviilaseahtu mearrida gahpira fárdda
- Liinnit, silkkit, šálat, silkečeabeliinnit ja ulloliinnit
- Boahkánat, náhkkeboahkánat, čuldojuvvon boahkánat ja bearalboahkánat
- Vuoddagat, leat earáláganat sohkabeliid ja guovlluid gaskkas, maiddái atnudárkkuhussii laktáseaddji erohusat
- Gálssohat ja bittut dahjege bohcco gápmasiin gorrojuvvon juolgesuojit olbmáin ja nissoniin earáláganat, maiddái erohusat guovlluid gaskkas
- Buvssat, liidnebuvssat ja sisttis gorrojuvvon buvssat d. stigát, sisttehat dahjege sistejuolgesuojit
- Fáhcat ja gistát (náhkis dahje gápmasiin) ja suohkut, bohcco gápmasiin dahje njurjo náhkis dahje gođđojuvvon giehtagárvvut ja suohkut ja bittut. Ohcejoga guovllus nissoniid bittuid sadjái bohte juo árramuttus gođđojuvvon juolgesuojit, mat gohčoduvvojit biddun
- Dorkkat, bohcco duoljis ja náhkis gorrojuvvon beaskkat, dorkkat ja čehporasat
- Gárvvut, silbačiŋat, silbbain ja golliin bajuštuvvon čiŋat, veaike-, bronsa- ja messetčiŋat, boagánboalut ja -násttitboalut, boagánoaivvit, soljjut, suorbmasat ja heaŋgačiŋat, maid fárddas ja geavaheamis leat erohusat guovlluid gaskkas
|
|
