Prošeaktabargit

Prošeaktajođiheaddji

Filosofia magisttar Eeva-Kristiina Harlin lea 33-jahkásaš helssetlaš ja ássá dán áigge Gárigasnjárggas. Son lea válmmaštuvvan jagis 2004 arkeologan Helssega universtiehtas ja osteoarkeologan Stockholmma universitehtas. Harlin lea bargan máŋggain prošeavttain dáktedutkin ja maiddái Musealágádusas arkeologalaš prošeavttain miehtá Suoma ee. Eanodagas ja Ohcejogas. Son lea beassan sisa sámekultuvrii ee. váldimiin oahpuid sámedutkamušas ja dahkan arkeologiija loahppabarggu ”Enontekiön Markkina: Markkinapaikan elämää arkeologisen tutkimuksen perusteella” (Eanodaga Márkan: Márkanbáikki eallin arkeologalaš dutkamuša vuođul). Jagi 2005 rájes son lea dahkan nákkosgirjedutkamuša Oulu universitehta Giellagas-instituhttii Eanodaga ja Ohcejoga ealáhusain ja oktavuođain 1600–1800 –loguin. Erenoamáš beroštuvvan son lea morálalaš ja etihkalaš oaidninvugiin dutkamušas ja dasa lassin dain vejolašvuođain, maid elliiddáktedutkamuš addá historjjálaš áiggi sámearkeologalaš materiála dulkomii. Eeva-Kristiina bargá Sámemusea Siiddas, Anáris.

Eeva-Kristiina Harlin
Sámemusea Siida
GSM +358 400 328133
eeva-kristiina.harlin@samimuseum.fi

Prošeaktabargit

Golggotmánu álggu rájes prošeavttas bohtet bargat golbma prošeaktabargi. Sin bargosajit leat Sámemusea Siiddas, Ruoŧa Duottar- ja sámemusea Ájttes ja Várjjat Sámi Museas.

Ruoŧa projeaktabargi, filosofia kandidáhta Sunna Kuoljok doaibmá intendeantan Ruoŧa duottar- ja sámemusea Ájttes (Ájtte, Svenskt Fjäll- och Samemuseum). Su bargguide lea gullan eanaš musea kulturhistorjjálaš dávvirčoakkáldaga fuolaheapmi. Sunna lea riegádan Váhčiris (Jielleváris) ja son orru dál Johkamohkis. Son lea oahpus beales etnologa. Sunna lea lohkan Uppsala ja Ubmi universitehtas.

Sunna Kuoljok
Ájtte, Ruoŧa duottar- och sámemusea
Tel.: + (46) 706417012
e-poasta: sunna.kuoljok@ajtte.com

Projeaktabargi Sissel Ann Mikkelsen lea eret Hapmiris Nordlándda fylkkas. Sus lea Romssa universitehtas čađahuvvon kultur- ja servodatdiehtaga bachelor-dutkkus arkeologiijas. Son lea bargan earret eará Norgga sámedikki biras- ja kulturgáhttenossodagas ja sámemuseain Norggas ja Ruoŧas. Ruoŧa siseatnama dološmuittuid inventerema oktavuođas sutnje leat čoggon buorit dieđut sámi kulturbirrasiin ja sámi dološkulturmuittuin. Sámi dološkulturmuittuid seailluheapmi ja olaheapmi leat sutnje váimmuášši. Dáid maŋemuš áiggiin son lea doaibman Sámi Allaskuvlas jođiheamin prošeavtta "Samiske veivisere" (Sámi ofelaččat), mas sámenuorat johte skuvllain muitaleamin sámi kultuvrras ja historjjás.

Sissel Ann Mikkelsen
Várjjat Sámi Musea
Tel.: +47 48 19 89 29
elerávdnjepoasta: sam@varjjat.org

Kati Vuontisjärvi lea easka gárvvistuvvan filosofiija magisttar Oulu universitehtas. Son orru dál  Anáris. Su váldooahpposuorgi lea dábálaš historjá, muhto son lea lohkan maiddái máŋggaid lassefágaid, main dehálepmosat leat leamaš informašuvdnadutkan, dáiddahistorjá ja Suoma ja Skandinavia historjá. Iežas gradu son barggai 1800-logus almmustuvvan fáŋgavuođamuitalusaid indiánagovas. Kati dovdá beroštumi eamiálbmogiid historjái ja earenoamažit sin govvideapmái sierranas mediain. Su sohka lea eret Eanodaga Vuottesjávrris. Kati bargá Anáris Siida-sámemuseas.

Kati Vuontisjärvi
Siida-sámemusea
Tel.: +(358)405418575
e-poasta: kati.vuontisjärvi@samimuseum.fi