Bovdehus seminárii

Seminára lágiduvvo 3.-5.10.2007 Anáris Sámemusea Siiddas

Bovdehusreivve čuovusin lea semináraprográmma. Jearaldagas lea álgoprográmma, mii sáhttá vel rievdat.

Semináras gieđahallet kulturárbbi máhcaheapmái guoskevaš gažaldagaid dutkiid, politihkkáriid, museaámmátolbmuid ja duojáriid perspektiivvas. Ulbmilin lea čuoččáldahttit ságastallama sámedávviriid seailluheamis ja sámi kulturárbbi buori hálddašeamis boahtteáiggis. Semináras muitalit maiddái gieskat čađahuvvon prošeavtta bohtosiin. Dán prošeavttas guovddážis lei ávnnaslaš kulturárbbi čoaggin.

Oassálastit
Seminára lea nuvttá ja oassálastit vástidit ieža iežaset mátke-, idjadan- ja boradangoluin. Seminára lea várren soames hoteallalanja ovddalgihtii.

Seminára veaigemállásat

Seminára láhcá vejolašvuođa oktasaš veaigemállásiidda gaskavahku golggotmánu 3. beaivve. Dáid mállásiid ovddas šaddá ieš máksit. Almmuhastte iežat beroštumis oassálastit mállásiidda: eeva-kristiina.harlin@samimuseum.fi

Eahketprográmma
Maŋŋebárgga 2.10. dbm. 19.00 rájes Seminára-pub Hotealla Kultahovis. Šaddá ieš máksit. Vejolašvuohta deaivvadit ja ságastallat olbmuiguin.

Gaskavahku 3.10. dbm. 19.00 eahketmállásat Hotealla Kultahovis. Šaddá ieš máksit. Eahketmállásiid oktavuođas beassá gullat báikkálaš juoigiid. Lassedieđut gávdnojit maŋŋelis ruovttusiidduin.

Duorastaga 4.10. dbm. 19.00 rájes Seminára-pub Hotealla Kultahovis. Šaddá ieš máksit. Vejolašvuohta deaivvadit ja ságastallat olbmuiguin.

Almmuheapmi
Seminárii sáhtát almmuhit iežat ná: sáddes iežat nama, iežat ovddastan instituhta nama, čujuhusa, emailčujuhusa ja telefonnummira maŋimustá čakčamánu 21. beaivve čujuhussii eeva-kristiina.harlin@samimusem.fi. Almmut seammás, háliidatgo oassálastit veaigemállásiidda. Dieđihastte maiddái, dárbbašatgo sáhtu Avvila girdišiljus Anárii.

Idjadeapmi
Oassálastit fuolahit ieža iežaset idjadeami lágideamis. Anáris gávdnojit moanat idjadanvejolašvuođat. Lasse- ja oktavuođadieđuid gávnnat siidduin http://www.inarilapland.org/en/index.html

Mátki
Oassálastit fuolahit ieža iežaset mátkki lágideamis.

Anárii beassá buoremusat nu, ahte girdá vuos Helssegis Avvilii. Siida lágida sáhtosteami Avvila girdišiljus Anárii. Almmuhastte nappo iežat vuolgin- ja boahtináiggi. Avvilis lea sullii 40 km Anárii.

Buoremusat seminárii oassálastiide heive girdinvuorru, mii vuolgá maŋŋebárgga golggotmánu 2. beaivve dbm. 10.35 Helssegis ja olle Avvilii dbm. 13.05 (AY557).

Máhccangirdimat Avvilis vulget dbm. 19.10 Helssegii sihke duorastaga 4.10 ja bearjadaga 5.10. Dát girdinvuorut leat Helssegis dbm. 21.35 (AY559).

Lassedieđuid semináras addá:
Eeva-Kristiina Harlin
tel. +(358) 400 328 133
email: eeva-kristiina.harlin@samimuseum.fi

Siidda ruovttusiiddut:
http://www.siida.fi/

Lassedieđut Anára birra:
http://www.inarilapland.org/

Álgoprográmma

BORRAMUSLISTU