Aanaarjäävri riddoost ässee šnikkár já kärbismiäštár Veikko Paltto, šoodâi Hilma já Sammeli Palto pärnin Čuolisvuonâst. Ko Saammâleeči jaamij ive 1955, ferttij Veikko uuccâđ pargo olssis já áigápuáđu meiddei iännásis. Ucessiähä šiiveettuálu torvodij mielhi finnim, já puásuialmajin Veikko máttái poccui kieđâvuššâm tááiđuid.

Mielâkiddiivâšvuođâ kärbisrähtimân Veikko lâi finnim juo uccâ kaandâžin ko lâi čuávvum eejis kärbisrähtim. Aanaarjäävrist purjâsteh maŋgâ Veikko Palto rähtim stuárráb já ucceeb kárbá.Veikko haaldâš meiddei rievâi, parârievâi já kerrisij rähtim tááiđu, já pääihi anotiiŋgah-uv šaddeh sust.

Ranskaliih mađhâšemirâtteijeeh finnejii jurduu vuáđudiđ 1980-lovo loopâst La Clusaz tuuristkuávdážân olmâ puásuikäärdi. Veikko Palto puásuikeččee tááiđuh tarbâšuvvojii, ko ranskalijn vááilui táiđutiätu poccui kieđâvušmist. Maaŋgâid iivijd ranskalijd čyeigeeturistijd uápistâm Bernard Zentill vaaldij Veeikon ohtâvuođâ, já nuuvt Veikko varrij kavccijn poccuin tuuristkuávdážân. Veikkâ tälviv uási ääigist mana-uv Ranskaast, kolá keesi päikkikuávlust Čuolisvuonâst.

Ella Sarre