Tyejičeppi já nukkemeeštir, Aili Mattus s. Saijets šoodâi ive 1887 Nyere-Juhháán, Ánná já Juhan-Petteri Saijets perrui. Sun naajâi Nili-Heiháin (Heikki Mattus) já suoi assáin perruinis Njollânjaargâst Aanaarjäävri riddoost.

Ailâ kuárui tigguumist anarâšmáccuhijd já raahtij puoh pihtâsân kullee tävirijd. Kállás jäämmim maŋa Ailâ omâstâđâi ollásávt tyejipaargon saajeest nuubán jottee tuáijárin já markkânušâi jieš tuojijdis. Aainâs-uv anarâšnukeh lijjii pegâlmâsah já halijdum skeeŋkah. Sun vuolâi nukkeid muorâst ooivijd, raahtij kággást roopâid já kuárui toid olmâ anarâšpihtâsijd.

Kulgur-Ailâ nommâ šoodâi uápisin suu lihâdeijee eellimvyevi mield. Ailâ jutâlij kuárumin pihtsijd siijdâin-uv ijâstâlân já kuárun táárbu mield. Aili Mattus jaamij ive 1965, aasân majemuid iivijd puárásijviäsust.

Ella Sarre