Gufihtar, ulda, ganeš - Maahinen

Gufihtar lea háldi mii eallá eatnanvuolde. Dat leat olbmo hápmásaččat. Gufihttarat guođohit eatnan alde bohccuideaset, muhto dikšot maiddái gusaid, sávzzaid ja gáiccaid. Jos badjealmmái deaivá gufihttariid guođoheamen čorraga ja háhppeha bálkestit niibbi, ruđa dahje eará metállagálvvu ealu badjel, de son oažžu alccesis su iežas ja niibbi gaskii báhcán buot bohccuid. Gufihttarnieiddat leat hui beakkánat čábbodagas. Máŋggas leatge eamidin váldán gufihtarnieida.

Gufihttarat eai liiko, jus leiket báhkka čázi, dahje jos olmmoš cegge goađi, dahje hukse dálu sin ássanbáikki bajábeallái. Dat ordnejit lihkuhisvuođa, nu ahte olbmot fárrejit eret.

Gufihtarnissoniin lea ártegis vuohki. Dat finadit duolletdálle eatnanalde lonuheamen iežas máná olbmo mánnái. Eanaš lonohasain ii ruoktuluva ođđa báikái ja de fertejit lonuhit ruovttoluotta.