Gufihttarat (Kufihttaret l. Maahiset)

Lei oktii dolin Iskurašjogas okta nisu, geas ledje gusat. Giđđat son luoitilii gusaid návehis olggos. Gusat manne guohtut dievvái. Muhto dievá siste ásse gufihttarat. Go gusat vázze dievá alde, sáttu fierai gufihttariid mielkelihttái. Gufihttarat eai dieđusge liikon dasa, ja go gusaid oamasteaddji lei oađđimin okta gufihtaráhkku rávkkai su ja dajai: "Ale luoitte gusaid dievá ala go dievás fierrá sáttu min mielkelihttái!" Go nisu iđđeđis lihkai, son gáttii ahte lei oaidnán dušše niegu gufihttariid ja sin mielkelihtiid birra. Son luoitilii gusaid olggos návehis. Gusát guhto beaivvi dievá alde ja go idja bođii, bođii maid gufihtaráhkku. Dál dat dajai: "Don it galgga luoitilit gusaid min dievá ala, don galggat áidut dan birra!" Nuppi iđit nisson gáttii fasttain ahte lea oaidnán nieguid. Goalmmát ija gufihtaráhkku lei jo hui suhttan ja dajai: "Jos don vel luoittát du gusaid dievá ala, dat gusat buohccájit!" Dál eamit jáhkii gufihtaráhku ja áiddui birra dievá ahte gusát eai beasa dohko. Dan maŋŋá son lea ožžon oađđit ráfis.

Ida Länsman
6. luohkká