Gufihtariid luhtte eatnan vuolde

Ninjana Näkkäläjärvi, Avvil (Menešjávrri skuvla 6. luohkká)

Ledjen oktii váccašeamen meahcis, go gullen amas jienaid. Vulgen geahččat gos dat gullo ja fahkkestaga juoga bávkkehii ja mun šadden aivve unnin.
Muhto munhan ledjen nai gufihtariid máilmmis! Juohke guovllus vihke unna ulddat, muhto go mu fuomašedje, de hoahppu nogai.
- Giibat don ges leat? jearai okta unna ulddaš.
- Ja maid don dagat gufihtariid luhtte, dáppe eatnan vuolde?
Dan munge imaštallen, muhto in ožžon sánige njálmmis, nu suorganan ledjen.
- Mot mun gufihtariid máilbmái lean šaddan? jearralin loahpas.
- Don gusket min unnidanjáfuide. ulddat vástidedje. Dasto ulddat gohčoge mu vuolgit geahččat dán máilmmi.
- O, man hearvái ja fiinnis dáppe lea! mun huikkihin.
- Ja mán čáppa rásážat! vel lasihin.
- Boađe beare stoahkat deike!
- Stoahkatgo mii bohccoiguin vai dohkkaiguin?
Miihan gal stogaimet, muhto áigi hurggai nu jođanit, ahte fertejin gal vuolgit, vaikko nu suohtas lei leamaš.
- Oaidnaleapmai ustibat, gal mii fas muhtemin oaidnalit! Ja nu mun fas bávkkehin eatnan nala, ja vulgen vázzit ruoktot.